1975. urtean, Eduardo Chillida eskultoreak Santa Maria Parrokiari “GURUTZ /CRUZ IV” (Bataiarri Pilaren gainean kokatua) obra eman zion. Obra bikaina da, lerro zuzeneko alabastroz egina, eta adierazgarriena harrizko blokearen barruan zulatutako gurutze-formako hutsune sakona da, negatiboan jarritako gurutzea, eskuineko aldean gurutze positiboa landu zuen bitartean.
Opari horrelakorik eskerrak emateko, Donostiako Elizbarrutiko Museoak, Eduardo Chillidaren adiskideen talde batekin lankidetzan, bere ibilbidean zehar egindako 50 karteleko bilduma jarri du ikusgai. Kartel horiek hainbat jarduera biltzen dituzte, kultura, kirola, gizartea, bere kaligrafia indartsuari leial izanik, mugimenduan dagoen lerro/orbanarekiko maitasuna adierazten dute, hutsarekiko kezka, beltza funtsezko kolore gisa, eta konposizio poetiko eta minimoa.