Maiatzaren 18a Museoen Nazioarteko Eguna da. Hori dela-eta, ateak zabaltzeko jardunaldia eta bisita gidatu berezi bat antolatu ditu D´Museoak. Xabier Egaña artistak bisita gidatua eskainiko du bere “Liburuak + gurutzeak” erakusketan barrena. Bisita 18:00etan izango da, eta gaztelaniaz. Horrekin batera, Donostiako Museoen Sareko kide denez, sare horren ekimenetan parte hartuko du D´Museoak.
