Igarotako Ekitaldiak

1975. urtean, Eduardo Chillida eskultoreak Santa Maria Parrokiari “GURUTZ /CRUZ IV” (Bataiarri Pilaren gainean kokatua) obra eman zion. Obra bikaina da, lerro zuzeneko alabastroz egina, eta adierazgarriena harrizko blokearen barruan zulatutako gurutze-formako hutsune sakona da, negatiboan jarritako gurutzea, eskuineko aldean gurutze positiboa landu zuen bitartean. Opari horrelakorik eskerrak emateko, Donostiako Elizbarrutiko Museoak, Eduardo Chillidaren adiskideen talde batekin lankidetzan, bere ibilbidean zehar egindako 50 karteleko bilduma jarri du ikusgai. Kartel horiek hainbat jarduera biltzen dituzte, kultura, kirola, gizartea, bere kaligrafia indartsuari…

Jesús Gallego hil zeneko 20. urteurrenean, “Jesús Gallego eta gazteak” erakusketa aurkeztuko du D´Museoak. Erakusketak 20 lan ditu, eta horietan gaztediaren zati baten bazterreko mundua islatzen du. Mundu hori ikusten zuen Jesús Gallegok Gipuzkoako Arte Elkartean eskolak ematetik ateratzen zenean. Bere artelanetan mundu hori islatu, eta ahal zuen neurrian lagundu zuen.

D'Museoan ikus daitekeen erakusketan jaiotza mota desberdinen jatorria eta tipologia ezagutuko ditugu. Horretarako, lehen areto batean, egile, garai, jatorri eta teknika ezberdinen irudi bilduma bat aurkezteko dugu, baita lau diorama eta burdinazko zepan egindako Olentzeroren irudi bat ere. Bigarren aretoan, Museoko Jaiotza Napolitarraz gain, Euskal Jaiotza Herrikoia eta munduko hainbat lekutako irudiak eta jaiotzak aurkeztuko ditugu.

Juan Gabriel Vichen sormen-prozesua erregresiboa da. Desikasten, arazten, purgatzen, garbitzen, saiatzen da. Ez du gehitzeko edo frogatzeko asmorik, baizik eta erakustea, eskuan jartzea. Eta keinurik gabe egiten du, beso fantasma batetik abiatuta. Lausodura eta argia betiere teknika bikain baten bidez. Vichen pinturak ez du ezer fisikotik, ariketa mental zabal baten emaitza da guztia. Lasaitasun sakonenari egiten diogu aurre, baretasun zirraragarrienari.

Santuen inguruko jaiak eta errituak Andeetako kolektibitateen nortasuna birsortzeko uneak dira gaur egun; beraz, identitate-rol soziokulturala betetzen dute. Hori dela eta, migratzaile taldeak elkartu eta jai horiek aldizka ospatzen eta birsortzen dituztela ikus daiteke. Bestalde, jaiak egunerokotasuna apurtzen du eta bereziki sinbolikoa den garai bat sortzen eta bizitzen dute parte-hartzaileek. Izan ere, mozorrotuta edo jantzi bereziak jantzita edo ikusle gisa, beren jatorrizko garaiekin bat egiten dute eta beren esperientzia mistikoa bizi dezakete.

Erakusketa honetan José Luis Cobreros artista donostiarraren 11 obra aurkeztu ditu D´Museoak. Eskultura figuratibo klasiko eta modernoarekiko leiala, giza gorputzaren mireslea, lasaitasunaren eta amildegiaren arteko sortzailea, bere aitaren, haurren, emakumeen eta Gipuzkoako industrialarien busto eta erretratuen egilea.

Galderak planteatu nahi ditu erakusketak erantzunak baino gehiago. Lengoaia artistiko berriek santuaren ikuskera/ikonografia berri bat eragin zuten edo forma baino ez da aldatzen? San Inazioren figura irudikatzen jarraitu zuten aldatzen ari zen eta eliza bere protagonismoa galtzen ari zen gizarte hartan? XX. mendeko artista gipuzkoarrak gai "klasikoak" interpretatzera edo berrinterpretatzera hurbildu ziren? Erakusketa honek galdera horiei erantzuten diela uste dugu.

Jorge Oteizak Ameriketan eman zuen aldia da bere etapa ezezagunena. Argentinan aurkitu ahal izan diren piezetako batzuk bildu dira erakusketa honetan. Buenos Aires izan zen bere bidaiaren abiapuntua eta amaiera, baina baita hainbat urtetan bizi izan zen lekua ere. Hantxe ezagutu zuen Itziar Carreño, bere bizitzako pertsonarik garrantzitsuenetariko bat, eta harekin ezkondu zen 1938ko maiatzean. Obra guztiak argitaratu gabeak dira.